အဝိဇ္ဇာ – ကိုနယ်လေးပါး၊ နည်းလေးပါးဖြင့် ပိုင်းခြားခြင်း

ဓမ္မဓရ=== အရှင်ဘုရား ညွှန်ကြားတဲ့အတိုင်း များများရွတ်ပြီး ကြိုးစားကြည့် ပါတယ်ဘုရား။အလွန်သိမ်မွေ့တဲ့ အစွဲလေးတွေကို တွေ့လာရပါတယ်။ တပည့်တော် သိရုံလေးသိပြီး အေးအေးလေးနေတုံးက အစွဲရှိမယ်တောင် မထင်ခဲ့ပါဘူး။ (အစွဲတွေမရှိဘူး) ဟုလည်းထင်ခဲ့ပါတယ်။ (ပျက်နေတယ်) ဟုကြိုးစားပြီး ရွတ်သိတဲ့အခါမှ အစွဲအထင်တွေ အတော်များနေကြောင်း ကို သိရပါတယ်။ ရွတ်အားကောင်းလေ အစွဲတွေကို ကျော်လွန်သွားလေ၊ ငြိမ်းအေးမှု ရလေ ဖြစ်ပါတယ်ဘုရား။

ငြိမ်းအေးမှုရမှ အရှင်ဘုရားရှင်းပြတဲ့ သဘော (၂)ခုကလည်း ပိုပြီ သဘောပေါက်လာ ပါတယ်။ ပြောပြတုန်းက သဘောပေါက်တာနဲ့ အခုရွတ်လို့သဘောပေါက်တာ မတူပါဘူး။ ဘာကြောင့်မတူသလဲဆိုတော့ ပြောပြတုန်းက သဘောပေါက်တာက မှန်းပြီး တွေးပြီး သဘောပေါက်တာ ဖြစ်ပါတယ်။ ရွတ်လို့သဘောပေါက်တာကတော့ ကိုယ်တိုင်ရောက်ပြီး ခံစားရသလို သဘောပေါက်ပါတယ်။

(ငါ့ဘဝ၊ သူ့ဘဝ ) ဆိုတာ တစ်စက္ကန့် ကို ကုဋေ တစ်သိန်းစိတ်လိုက်ပြီး ထိုအစိတ်ထဲမှ ဖြစ်ပျက် သဘောလေး တစ်ခုကို ဘဝ-ဟုခေါ်တယ် ဆိုတာ ထင်ရှားစွာနားလည် လာပါတယ်။ထိုဖြစ်ပျက်သဘော လေး တစ်ခုသည်ပင် ကိုယ်ပိုင်စွမ်းအားအနှစ်သာရမရှိသော ၊ အကြောင်းပါမှ ဖြစ်နိုင်သော (မူလပျက် သဘော )ဟုသိရတာကလည်း ပိုပြီး နက်နဲလာပါတယ်။ ပျက်နေတယ် ဟုရွတ်ရင်း ပျက်နေတဲ့လောက သဘော ကိုသိရတာဟာ နက်နဲသောသိစရာကို သိနေရသောကြောင့် ဘဝဟာ ပိုပြီ အဓိပ္ပါယ် ရှိသော ဘဝ အဖြစ် ခံစားနားလည် လို့ရလာပါတယ်ဘုရား။ဘဝ၏ အဓိပ္ပါယ်ကို ကျယ် ကျယ် ပြန့်ပြန့်သိလေ ၊ငြိမ်းအေးတဲ့သဘောကို ခံစားလို့ရလေ ဖြစ်လာပါတယ်ဘုရား။

ဦးဝိဇယ=== အရှင်ဘုရား ပြောပြတဲ့ သဘောတွေ အားလုံးမှန်ပါတယ် ဘုရား။ ဒီ အတိုင်းလျှောက်ရင် လမ်းမှားစရာမရှိတော့ ပါဘူး။ အဟုတ်ထင်ပြီးကျေနပ်တဲ့စိတ် မပေါ်အောင်သာ ကြိုးစားပါဘုရား။ ဉာဏ်အမြင် ပို ရှင်းအောင် ပဋိစ္စသမုပ္ပါဒ် ကို နယ် (၄)ပါး၊ နည်း (၄)ပါးနှင့်ရှင်းပြပါ့မယ်။ ဂရုစိုက် နားထောင် ကြည့်ပါ။

အဝိဇ္ဇာ ပစ္စယာ သင်္ခါရာ= အဝိဇ္ဇာ ကြောင့် သင်္ခါရ တို့ဖြစ်ကြ၏ –ဟုလာ ပါတယ်။( အဝိဇ္ဇာ) ဟူသော စကားကို ကြားရသောအခါ (ဘာမှန်းမသိဘူး )ဟူသော အထင်၊ (ကောင်းတယ်) ဟူသော အထင်၊ (ဆိုးတယ်) ဟူသော အထင်၊ ဤ အထင် (၃)မျိုး စိတ်ထဲမှာ အထည် သဏ္ဍန် အဖြစ် ပုံပေါ်ပါတယ်။

အဝိဇ္ဇာ -ဟူသော စကားလုံးကို မှီ ပြီး စိတ်မှာပေါ်လာပြီး အထင် အထည် ပုံကို (အဝိဇ္ဇမာန ပညတ်) နယ် လို့ခေါ်ပါတယ်။

ထို အဝိဇ္ဇမာန ပညတ်နယ် မှာ တွေ့ရသော အထင် အထည် ပုံကို အဟုတ်ထင် ခြင်းသည်  (အဝိဇ္ဇာ)ဟု အမည် တပ်ပါတယ်။ အဝိဇ္ဇာမာနပညတ်နယ် ကို ထင်ရုံမျှ ဖြစ်၍ အမှန်မရှိသောကြောင့် (ဘာမှ မဟုတ်ဘူး) ဟု သိခြင်း သည် ဝိဇ္ဇာဉာဏ် ဟု အမည်တပ်ပြီး ပြောပါတယ်။

အဝိဇ္ဇာ သည် စိတ်နှင့်မှီ ပြီး ဖြစ်ရပျက်ရသော စေတသိတ် ဖြစ်ပါတယ်။ စိတ်အစဉ်မှာ အဟုတ်ထင်ခြင်း အစဉ်ကို တွေ့လို့သိလို့ရပါတယ်။ ထို အဟုတ်ထင်ခြင်း အစဉ်ကို (ဝိဇ္ဇမာနပညတ်နယ်)ဟုခေါ်ပါတယ်။ဝိဇ္ဇမာန ပညတ်နယ် ကို မရောက်သေးသမျှ အဝိဇ္ဇမာနပညတ်နယ် မှာပင် ကျင်လည်နေရပါလိမ့်မယ်။ ဝိဇ္ဇမာနပညတ်နယ် ကိုရောက်သော အခါမှ အဝိဇ္ဇမာနပညတ်နယ် ကို အဟုတ်ထင်ပြီး လုပ်ခဲ့တာတွေ ပြောခဲ့တာတွေဟာ အမှားမျိုးစုံနဲ့ ရယ်စရာမျိုးစုံများသာဖြစ်ပါတယ်။

စိတ်အထင်မျှ ဖြစ်သော ဝိဇ္ဇမာနပညတ်နယ် ကို သဘောဟုနာမည်တပ်ခါ (အဟုတ်ထင်ခြင်း) အဝိဇ္ဇာ ဖြစ်နေတတ်ပါတယ်။  အစဉ်သည် အထင်သာ ဖြစ်ပါတယ်။ သဘောမှာ လုံးဝမထင်ရပါ။

ထို အဟုတ်ထင်ခြင်း အစဉ်ကို တစ်စက္ကန့်တွင် ကုဋေ တစ်သိန်းစိတ်ပြီး  ထို အစိတ်ထဲမှ တစ်ခုသာ ဖြစ်ပျက်သဘောသည် အဝိဇ္ဇာ = အဟုတ်ထင်ခြင်း၏  အသက်ဖြစ်ပါတယ်။ ထိုအဝိဇ္ဇာ ၏ အသက် ဖြစ်ပျက်သဘောလေးသည် စိတ်ထဲမှာပုံဖော်ပြီး အထင်တွေ အားလုံးဟာ ပညတ်များသာဖြစ်ပါတယ်။  ပရမတ်မှာသဘောမျှသာ ဖြစ်၍ ပုံမပေါ်ပါဘူး။ ထိုဖြစ်ပျက်သဘောလေးကို (ဒီဖြစ်ပျက် သဘော လေးလောက်တော့ ကိုယ်ပိုင်စွမ်းရည်ရှိတယ်) ဟု အဟုတ်ထင်ခြင်း အဝိဇ္ဇာ ဖြစ်တတ်ပြန်ပါတယ်။

တစ်စက္ကန့်ဖြစ်စဉ်ကို ကုဋေ တစ်သိန်းစိတ်ပြီး ထို အစိတ်ထဲမှ တစ်စိတ် သော (ဖြစ်ပျက်သဘော) အဝိဇ္ဇာလေးသည် အသဝ အကြောင်း မပါပဲ ကိုယ်ပိုင်စွမ်းအားဖြင့်လုံးဝ ဖြစ်လို့မရသောကြောင့် မူလပျက်သဘော သာဖြစ်ပါတယ်။

မူလပျက် သဘောထိ ဉာဏ်ငုံမိလျှင် နယ်(၄)ပါး ကို ပိုင်းခြားနားလည်ပါပြီ။ မူလပျက်သဘောကိုပဲသုညနယ် ဟုလည်းခေါ်ပါတယ်။ နာမည် သည် အဓိက မဟုတ်ပါဘူး။ ဉာဏ်ရောက်ပြီး အထင်ပျောက်ဘို့သာ လိုရင်းဖြစ်ပါတယ်။

အဝိဇ္ဇာ တရားတစ်ခုကို (ဖြစ်ပျက်သဘော နှင့် မူလပျက်သဘော )ဟုသိခြင်းသည် (အဗျာပါရ အနတ္တ နည်း)ဖြစ်ပါတယ်။ ဤ နည်းဖြင့် ဖြစ်ပျက်သဘောထဲမှာ (ကိုယ်ပိုင်စွမ်းအားရှိတယ်) ဟုထင်သော သက္ကာယဒိဋ္ဌိ၊ အတ္တ ဒိဋ္ဌိ ကိုပယ် ပါတယ်။ ဖြစ်ပျက်သဘောမျှ ကု ထင်ရှားသောကြောင့် သက္ကာယ ဟုခေါ်ပါတယ်။

(အာသဝနှင့် အဝိဇ္ဇာ တို့သည် ဆက်စပ်ပြီး ဖြစ်ကြတယ်) ဟုသိခြင်းသည် (ဧကတ္ထနည်း) ဖြစ်ပါတယ်။ ဤ ဧကတ္ထနည်း က အကြောင်းအကျိုး တွေဟာ (ပြတ်တယ်) ဟူသော ဥစ္ဆေဒ ဒိဋ္ဌိကို ပယ်ပါတယ်။

(အာသဝ အနိမ့်အမြင့်၊ အဝိဇ္ဇာ အနိမ့်အမြင့် ရှိတယ်)ဟုသိခြင်းသည် (နာနတ္ထနည်း) ဖြစ်ပါတယ်။ ဤနာနတ္ထနည်း ကအကြောင်းအကျိုးတရားတွေဟာ (တူညီရမည်)ဟုထင်သော သဿတဒိဋ္ဌိ ကိုပယ်ပါတယ်။

(အာသဝ နှင့် အဝိဇ္ဇာ အကြောင်းအကျိုးတရားတို့သည် များရာတရားက နည်းရာတရားကို ဖိနှိပ်၍ ဆောင်၏) ဟုသိခြင်းသည် (ဧဝံဓမ္မတာနည်း) ဖြစ်ပါတယ်။ဤဧဝံဓမ္မတာနည်းက -လောကကြီးကို ပုံသေထားချင်သော အဟေတုကဒိဋ္ဌိ ၊အကိရိယဒိဋ္ဌိကို ပယ်နိုင်ပါတယ်။ ယခုရှင်းပြခြင်းဟာ အဝိဇ္ဇာ တရားကို နည်းလေးပါးနှင့်ရှင်းပြခြင်းဖြစ်ပါတယ်ဘုရား။